Денеска министерот за правда Михајло Маневски ќе присуствува на поставувањето камен-темелник за изградба на Кривичниот суд во Скопје.
За изградбата на овој суд  средствата се обезбедени од заемот одобрен од Светска банка и Буџетот на Република Македонија.

Оваа градба треба да располага со површина од 8.826 метри квадратни, седум оддели на Кривичниот суд, 74 судски кабинети, 22 средни судници и две репрезентативни судници.

Покрај останатото, во функција се три независни комуникациски нивоа за јавно приведени лица, подрумски простор за две нивоа со паркинг простор за 60 возила и шалтер сала за 60 вработени на приземје и спомен простории.