Македонската академија на науките и уметностите (МАНУ), Друштвото на писателите на Македонија (ДПМ) и Филолошкиот факултет „Блаже Конески“ при Универзитетот „Свети Кирил и Методиј“, денеска во МАНУ ќе одржат заедничка комеморативна седница за академик Гане Тодоровски.

Тодоровски почина во Скопје на 22 мај 2010, на 81-годишна возраст, а неговиот погреб ќе биде одржан во родното Кожле, скопско.

Гане Тодоровски е роден во Скопје, на 11 мај 1929 година. Дипломирал и докторирал на Филозофскиот факултет во Скопје, каде што бил долгогодишен професор. Во својата кариера бил  првиот амбасадор на РМ во Руската Федерација, бил член на ДПМ, а како член на МАНУ е избран во 1997-та година.